د کاپيسا ولايت له قومي مشرانو او مخورو سره کتنه!
د سرحدونو او قبایلو چارو وزیر محترم محب الله صمیم نن له غرمې وروسته د کاپیسا ولایت د اله سای ولسوالۍ له یوشمېر قومي مشرانو او مخورو سره د خپل کار په دفتر کې وکتل.
په دې کتنه قومي مشرانو د خپلو یو لړ سیمه ییزو ستونزو شریکولو په ترڅ کې د سولې په روانو خبرو کې د اوربند په اړه د ولسونو غوښتنې او یو لړ نور موضوعات له محترم صميم سره شریک کړل. وی ویل: د کاپيسا ولايت ولسونه تل دخپل نظام ملاتړ کړی او خپل ملاتړ ته به دوام ورکوي.
ورپسې ښاغلی صمیم د نوموړو له حضور څخه د مننې په ترڅ کې وویل: د سرحدونو او قبایلو چار وزارت د ټولو قومونو ګډ کور دی او موږ به له ولسونو سره ګډ کار کوو، تر څو ملي ارزښتونه مو خوندي شي.
