د کاپيسا ولايت د سرحدونو او قبایلو چارو په آمريت کي له قومي مخورو سره ناسته ترسره شوه!
د کاپيسا ولايت له مرکز او ولسواليو څخه راغليو قومي مشرانو د سرحدونو او قبایلو چارو آمريت له آمر ملا صديق الله صیاد سره په ياد آمريت کي وکتل ،د کاپيسا ولايت د سرحدونو او قبایلو چارو آمر ښاغلي ملا صديق الله (صياد) د غونډې ګډونوالو ته ښه راغلاست ووايه او د سرحدونو او قبایلو آمريت اړوندو چارو او پاليسيو په هکله خبرې وکړې، نوموړي وويل چي د سرحدونو او قبایلو آمريت د کاپيسا د ولسونو او اسلامي امارت تر منځ د پُل حيثيت لري او د ولس خلکو ته دا حق ورکوي چي خپلو ستونزو او مشکلاتو ته د حل موندلو او ستونزو د هواري په موخه د ياد وزارت ولايتي او مرکزي واحدونو ته مراجعه وکړي او د ټولو قومي منازعاتو او نورو شخړو د حل لپاره ددوئ دروازې يې تل پر مخ پرانيستي دي.
راغلو قومي مشرانو د اسلامي امارت سرحدونو او قبایلو چارو وزارت هڅې وستايلې ، چي تل يې د ولسونو راتګ ته لبيک ويلي او ستونزو ته يې تل پر وخت رسيدګي کړې.
