د کارکوونکو د کلنیو کړنو د ارزونې نویو فورمونو په اړه د ښوونیز پروګرام پای غونډه!
د سرحدونو او قبایلو چارو وزارت د بشري زېرمو ریاست له خوا په شپږو دورو کې د کارکوونکو د کلنیو کړنو د ارزونې نویو فورمونو په اړه ښوونیز پروګرام پای ته ورسېد.
د بشري زېرمو رئیس ښاغلي محمد یاسین پکتین د یاد پروګرام د موخو، چې هغه له نویو فورمونو سره د کارکوونکو اشنا کول دي معلومات ورکړل وې ویل: په دې اړه د بشري زېرمو ریاست له هر کارکوونکي سره همکارۍ ته چمتو دی.
د یاد پروګرام په پیل کې د وزارت رئیسانو او آمرینو ته د نویو فورمونو په اړه توضیحات او پوښتنو ته یې ځوابونه ورکړل شول.
ورپسې د وزارت مرستیالانو ښاغلي محمد یعقوب احمدزي او ډاکټر محمد آصف قاضي زاده پروګرام له پیل څخه تر پایه ښه و ارزولو د بشري زېرمو له ریاست او استاد ښاغلي همت څخه یې مننه وکړه، چې د نوو فورمونو په اړه یې کارکوونکو ته هر اړخیز معلومات وړاندې کړل.
دغه راز یې پر وخت د کار کوونکو په کلنۍ ارزونې ټینګار وکړ.
