د ولسي ستونزو حل او په همغږي کې یې د مسؤلینو پاملرنه!

khoram_admin
دوشنبه ۱۴۰۳/۴/۱۱ - ۱۲:۲۱
ناسته

دوشنبه ـ ۲۴/۱۲/۱۴۴۵

په میدان وردګ او بامیان ولایتونو کې د ولسي ستونزو د حل او همغږي په موخه د جوړو شویو کمېسیونونو مسؤلینو او استازو تېره ورځ د سرحدونو، قومونو او قبایلو چارو له وزیر او ټاکل شوي هیئت سره د یوې ناستې پر مهال په یادو ولایتونو کې د ولسي همغږۍ او سیمه ییزو ستونزو د حل ډاډ څرګند کړ او په دغه برخه کې یې د لا زیاتې همکارۍ ژمنه وکړه.  

دغه کمېسیونونه څه موده وړاندې د سرحدونو، قومونو او قبایلو چارو وزارت او ټاکل شوي هیئت له لوري په یادو ولایتونو کې د ځایي خلکو او کوچیانو ترمنځ د کرنیزو ځمکو، څړځایونو او لویو لارو پر سر د اختلافاتو او سیمه ییزو ستونزو د حل په موخه ټاکل شوي وو، چې تېره ورځ یې په دواړو ولایتونو کې د ښکېلو لوریو او ولسونو ترمنځ د موضوعاتو د هواري او ولسي همغږۍ په برخه کې د ترسره کړیو خدمتونو معلومات وړاندې کړل. د کمیسیونونو استازو، مؤظف هیئت ته د هر اړخیزې همکارۍ ډاډ ورکړ او د ځینو اسانتیاوو د ایجاد غوښتنه یې وکړه. 

یاد هئیت چې د ریاست الوزراء له لوري د سرحدونو، قومونو او قبایلو چارو د وزیر الحاج ملا نورالله نوري په مشرۍ د کورنیو چارو وزارت اداري معین مولوي رحمت الله حاجي نجیب، د کرنې وزارت استازي مولوي محمود مظلوم، د استخباراتو ریاست استازي مولوي اخترشاه هاشمي، د قضاء او څارنوالي استازي مولوي شمس الدین شریعتي او د ښار جوړونې وزارت استازي په ګډه همکارۍ جوړ شوی و، د یادو کمیسیونونو له ستړیاوو یې مننه وکړه او په هره برخه کې یې د پوره همکاري اطمینان ورکړ. په دغه ناسته کې د یاد وزارت اړوند د کوچیانو چارو سمون لوی رئیس مولوي ګل زرین کوچي او د مقام د دفتر رئیس مولوي نیاز محمد تقي هم حضور درلود.

تازه خبرونه

سه‌شنبه ۱۴۰۴/۷/۲۲ - ۹:۴۱
Background image

کندوز کې قومي مشرانو د اسلامي امارت له کړنو ستاينه وکړه

 

دوشنبه ۲۰ ربيع الثاني ۱۴۴۷

په کندوز ولایت کې د سرحدونو، قومونو او قبایلو چارو وزارت له لوري د ولسي خلکو او مسؤلینو ترمنځ د ملت د اتحاد، اسلامي نظام بقاء او د ولس هوساينې غونډه کې. . .

دوشنبه ۱۴۰۴/۷/۲۱ - ۱۳:۴۴
Background image

بلخ کې د ميراث پر سر راپورته شوې ١٨ کلنې شخړې ترڅنګ ننګرهارکې هم شخړه هواره شوه 

 

دوشنبه ۲۰ ربيع الثاني ۱۴۴۷

د بلخ ولايت د سرحدونو، قومونو او قبايلو چارو رياست مسؤلينو د دغه ولايت مزارشریف ښار په نهمه  ناحيه کې د يوې کورنۍ د څو غړو ترمنځ  د ميراث پر سر راپورته. . .

دوشنبه ۱۴۰۴/۷/۲۱ - ۱۳:۲۶
Background image

په ولسواليو کې د مسؤلينو له لوري له خلکو سره د ولسي يووالي غونډې

 

دوشنبه ۲۰ ربيع الثاني ۱۴۴۷

د سرحدونو، قومونو او قبایلو چارو وزارت په مشري په ولايتونو کې د محلي ادارو په همغږۍ  له ولسي خلکو سره د ولسي یووالي او ستونزو د اوريدو په موخه پيل شويو. . .

BACK TO NEWS

User account menu