د ولسي جرګې له پخوانیو او اوسنیو غړو او یو شمېر مخورو سره کتنه!
د سرحدونو او قبایلو چارو وزارت سرپرست او نوماند وزیر ښاغلي محب الله صمیم نن یکشنبې د ۱۳۹۹ لمریز کال د تلې پر۲۷ نېټه په ولسي جرګه کې د غزني د خلکو له استازې اغلې نفیسې اعظمي، د ارزګان د خلکو استازې بي بي ګلالۍ محمدي، د ولسي جرګې پخوانۍ استازې اغلې حمیرا اکاخېل او یو شمېر مخورو سره د خپل کار په دفتر کې وکتل.
په دې کتنه کې د ملي یووالي په ټینګښت او د سرحدي او ناامنه سیمو ځوانانو لپاره د ښوونې او روزنې په برخه کې د سرحدونو او قبایلو چارو وزارت له خوا د مناسب چاپیریال رامنځته کول او هڅې ګټورې وبلل شوې.، ټینګار وشو چې باید له رامنځته شوي فرصت څخه د هېواد د راتلونکو نسلونو د سالمې ښوونې او روزنې لپاره پوره ګټه پورته کړو او په دې برخه کې لا ډېر کاروکړو.
