د ولسي جرګې له غړي سره لیدنه!
د سرحدونو او قبایلو چارو وزیر نن مازدیګر په ولسي جرګه کې د کابل ولایت د خلکو له استازي ښاغلي صوفي عبدالرازق استالفي سره په خپل کاري دفتر کې وکتل.
په دغه کتنه کې ښاغلي استالفي د سرحدونو او قبایلو چارو وزیر ته د نوي مسوولیت د مبارکۍ ترڅنګ هیله څرګنده کړه، چې یاد وزارت د قومونو په انسجام او د سولې او ملي یووالي په ټینګښت کې رغنده رول ولوبوي.
ورپسې ښاغلي صمیم له نوموړي مننه وکړه او ډاډ یې ورکړ، چې وزارت به په خپل ټول توان سره هڅه وکړي، ترڅو په هېواد کې بېلابېل مېشت قومونه سره منسجم کړي او د قومي مشرانو له نفوذ او ظرفیتونو څخه په استفادې سره د ملي موخو په ترلاسه کولو کې کار واخلي.
