د وزارت اړوند خوشال بابا او رحمان بابا له عالي لېسو څخه لیدنه!
د سرحدونو او قبایلو چارو وزارت مسلکي معین ښاغلي ډاکټر فریدون بارکزي په داسې حال کې چې د ښوونې او روزنې رییس یې ملتیا کوله د رحمان بابا او خوشال بابا له عالي لیسو څخه لیدنه وکړه.
ښاغلي بارکزي چې د نوي تعلیمي کال د پیل په لومړۍ ورځ یې د ازموینې له بهیر څخه لیدنه کوله، زده کوونکو ته په خطاب کې وویل: وزارت ژمن دې چې زده کوونکو ته د زده کړې مناسب چاپیریال رامنځته کړي له زده کوونکو څخه مې غوښتنه داده، چې خپلو زده کړو ته زیاته پاملرنه وکړي، استادانو ته درناوي ولري او د لیسو نظافت او ساتلو ته پام وکړي.
نوموړي زیاته کړه یادو لېسو د کانکور په ازموینه کې تر هر وخت ښې پایلې ترلاسه کړې, طب پوهنځي ته ۴۰ تنه، انجنیری ته ۹۹ او حقوق او اقتصاد پوهنځیو ته تر سلو زیات زده کوونکي بریالي شول او د خوشالۍ ځای دی چې بې نتیجې زده کوونکي مو نه درلودل.
