د وزارت اړوند تعلیمي مرکزونه باید دهېواد په کچه نمونه واوسي!
د سرحدونو،قومونو او قبایلو چارو وزارت مسلکي معین ښاغلي مولوي عبدالرحمن حقاني چې د وزارت د ښوونې او روزنې رئيس هم ورسره وو، د وزارت درې ګونو لېسو او بایزید روښان انستیتیوت له مسؤلینو او ښوونکو سره وکتل اود یادو تعلیمي مرکزونو له درسي خونو، لیلیو، جومات شریف او نورو بېلابېلو برخو څخه یې لیدنه وکړه. د خوشحال خان عالي ليسې، رحمان بابا عالي ليسې، پيرمحمد کاکړ عالي ليسې او بايزيد روښان انستيتوت څخه د کتنې پر مهال ښاغلي مولوي عبدالرحمن حقاني وويل: چې وزارت ته اړوند لېسې ډېر ارزښت او اهميت لري، ځکه چې دهېواد د لرو پرتو او سرحدي سیمو ځوانان پکې زده کړه کوي هڅه به مو دا وي چې زموږ تعلیمي مرکزونه د هېواد په کچه یوه بېلګه وي. زياته يې کړه چې د زده کونکو اعاشې ته پاملرنه او سالمه ښوونه او رزونه یې د وزارت لومړیتوب دی، دوئ هڅه کوي چي زده کونکو ته ښه تعليمي چاپيريال او ارامه هستوګنه مهيا کړي. ښاغلي حقاني ښوونکوته په خطاب کې وويل: چې اسلام درنو ښوونکو ته خاص درناوي لري کوم امکانات چې په وس او توان کې لري له دوي څخه به يې ونه سپموي. د اړوند لېسو له مسؤلينو يې وغوښتل چې د زده کړې لپاره مناسب چاپیریال رامنځته اوپر وخت د خپلو چارو د تر سره کېدو او ستونزو د حل لپاره هڅې وکړي. ورپسې د اړونده تعلیمي مرکزونو مسؤلینو ښاغلي معین صاحب ته په خپله ساحه کې د زده کوونکو لپاره د ښه درسي او روزنیزو پروګرامونو د پیل او تطبیق ډاډ ورکړ .
