د وزارت اړوندو لېسو له زده کوونکو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې مخکې د وزارت اړوند رحمان بابا او خوشال بابا عالي لېسو له زده کوونکو سره د دوی د ستونزو د حل په موخه وکتل.
د کتنې په پیل کې د یادو لېسو زده کوونکو یو لړ ستونزې د حل په موخه د وزارت له مشرتابه سره شریکې کړې وې ویل: موږ د وزارت له رهبرۍ څخه خوشحاله یو، چې زموږ ډېرې ستونزې راته حل کړي او په دې برخه کې یې رښتینې هلې ځلې تر سره کړي دي.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم د یادو زده کوونکو ستونزې پر ځای وبللې وې ویل: موږ د تل په څېر ستاسو غوښتنو ته د حل لارې چارې لټولې دي انا شاالله چې په راتلونکي کې به ستاسو پاتې ستونزې د وزارت د امکاناتو سره سمې حل شي ، له تاسو څخه مو هیله دا ده، چې خپلو زده کړو ته متوجې اوسئ او د خپلو استادانو په قدر او ارزښت پوه شئ.
همدا راز ښاغلي صمیم د زده کوونکو څخه وغوښتل، چې د خپل هېواد د راتلونکې لپاره زیار اوباسئ او خپلې زده کړې په سمه توګه ترسره کړئ.
