د واک تحریک د مشرتابه له غړې سره کتنه!
۱۱/۱۸/ ۱۳۹۹
د سرحدونو او قبایلو چارو وزير ښاغلي محب الله صمیم نن مازدیګر د واک تحریک مشرتابه له غړې اغلې قندي ساپۍ سره وکتل.
په دې کتنه کې د واک تحریک مشرې د تحریک د فعالیتونو په اړه رڼا واچوله وې ویل: موږ د پښتنو مېرمنو د سیاسي او ټولنیز شعور د وېښولو او دوې زده کړو ته د هڅولو په برخو کې کار کوو، په پام کې لرو، چې په ځینو ولایتونو کې کتابتونونه او فرهنګي غونډې جوړې کړو، چې په دې برخه کې ستاسو مرستې او همکارۍ ته اړتیا لرو، وزارت باید د کتابتونونو په بډاینه کې له موږ سره همکاري وکړي.
ورپسې د سرحدونو او قبایلو چارو وزیر ښاغلي محب الله صمیم د واک تحریک فرهنګي او تولنیز فعالیتونه وستایل او ورسره يې ژمنه وکړه، چې د وزارت چاپ شوي کتابونه او له نورو همکارو ادارو څخه به نور کتابونه ترلاسه او واک تحریک ته به یې ورکړي، ترڅو په بېلابېلو ولایتونو کې ددغه تحریک کتابتونونه بډای شي او د خلکو د استفادې وړ وګرځي.
همدا راز ښاغلي صمیم اغلې ساپۍ ته یو شمېر ارزښتناک او ګټور کتابونه ډالۍ کړل، چې په مقابل کې د واک تحریک د مشرتابه غړې یوه داسې جنتري ښاغلي صمیم ته ډالۍ کړه، چې د تحریک د فعالو ښځو انځورونه پکې چاپ شوي وو.
