د هېواد په یو شمېر ولایتونو کې کوچیانو او ځایي خلکو ته پراختیایي پروژې پلي کېږي
یکشنبه، د ۱۴۴۶ هـ.ق د ذيالقعدې ۱۲مه
د سرحدونو، قومونو او قبایلو چارو وزارت د جرګو او قبایلو چارو د همغږۍ معین الحاج مولوي محمد علي جان احمد، د ماشومانو د ملاتړ مؤسسې له مرستیال سید محمد پاچا او د اړیکو مؤسسې له مسؤل احمد رحیم خوستي سره د همکاري تفاهم لیکونه لاسلیک کړل.
د دغو تفاهم لیکونو پر بنسټ، د هېواد په بېلابېلو سیمو کې به د روغتیا، زراعت، غذایي مصؤنیت، څښاک اوبو، او د بې سرپناه ماشومانو د ساتنې په برخو کې پراختیایي پروژې پلي شي.
په همدې مناسبت جوړه شوې غونډې کې د جرګو او قبایلو چارو د همغږي معین الحاج مولوي محمد علي جان احمد ټینګار وکړ چې اړوندې مؤسسې دې د خلکو ستونزې را ټولې کړي او د اړتیاوو پر بنسټ دې خدمات ورته وړاندې کړي.
همدا راز د مؤسسو مسؤلینو د خپلو کاري استقامتونو په اړه د غونډې له ګډونوالو سره مفصل معلومات شریک کړل او ژمنه یې وکړه چې په اړینو برخو کې به ډیر ژر خلکو ته د خدماتو د رسولو په برخه کې د هېواد په مرکزي او سرحدي ولایتونو کې ګډې فعالیت پیل کړي
