د ننګرهار د ولايتي شورا له مرستيال او غړو سره کتنه
د سرحدونو او قبايلو چارو سرپرست او نوماند وزير ښاغلي محب الله صميم نن پنجشنبې د روان لمريز کال د تلې مياشتې پر 17 مه نېټه ننګرهار ولايت ته د رسمي سفر په لړ کې د ياد ولايت د ولايتي شورا له مرستيال ښاغلي اجمل عمر او نورو غړو سره وکتل.
په دې کتنه کې، چې په ولسي جرګه کې د خلکو استازي هر يو عبدالرؤف شپوڼ، نيازولي مسلم شينواري او عبدالکريم کريم هم حاضر وو ، د سيمه ييزو ستونزو سربېره په ملي يووالي، د سولې په ټينګښت کې د قومي مشرانو د رول، ، د جرګو او ولسي غونډو له لارې د قومونو د انسجام، د ملي پروژو په پلي کولو او په يو لړ نورو مهمو موضوعګانو بحث او خبرې وشوې.
