د لوګر ولایت د سرحدونو او قبایلو چارو نوی رئیس ښاغلی فضل معبود دانش کارکوونکو ته وروپېژندل شو او دنده یې پیل کړه!
د سرحدنو او قبایلو چارو د نوي رئیس د پېژندنې په مراسمو کې لوګر ولایت والي الحاج محمد انور خان اسحاقزي، د سرحدونو او قبایلو چارو وزارت د جرګو او قبایلي چارو د همغږۍ رئیس ښاغلي الحاج نیاز محمد امیري، د ولایتي شورا منشي عدالت عبدالرحیمزي، ولایت مقام د دفتر رئیس احمد خالد صافي, د بشري سرچینو رئیس او یو شمېر نورو مسولینو او مخورو برخه اخیستې وه.
په پیل کې د سرحدونو او قبایلو چارو وزارت د جرګو او او قبایلي چارو د همغږۍ رئیس الحاج نیاز محمد امیري په خبرو کې د نوي رئیس د ټاکل کېدو په تړاو مالومات وړاندې او د پخوانې رئیس ښاغلي عبدالرحمن تسل کړنې یې وستایلې.
دغه رازلوګر والي الحاج محمد انور خان اسحاقزي نوي رئیس ته د مبارکۍ ترڅنګ په چارو کې د لا بریالیتوب هیله وکړه او د پخواني رئیس ترسره شوي خدمتونه یې وستایل.
