د لوګر ولايت له قومي مشرانو سره ليدنه
سه شنبه ۱ ذوالقعده ۱۴۴۶
د سرحدونو، قومونو او قبایلو چارو وزير ملا نور الله نوري نن له غرمې وروسته د لوګر ولایت د ازرې ولسوالۍ له لسګونو قومي مشرانو او ځوانانو سره په خپل کاري دفتر کې وکتل.
د دغې کتنې پر مهال د قومي مشرانو په استازیتوب څو تنو خبرې وکړې ویې ویل: لله الحمد د اسلامي امارت په راتګ سره د ټول هيواد په شمول د لوګر ولايت امنيت د ډاډ وړ دی او دا د ا.ا.ا سره د ولسونو د ملاتړ نتيجه ده. راغلو قومي مشرانو د دې نظام په کلک ملاتړ څرګندولو سره د خپلې سیمې ځينې ستونزې شریکې کړې او له مسؤلينو څخه یې د پاملرنې غوښتنه وکړه.
ورپسې د سرحدونو، قومونو او قبایلو چارو وزير ښاغلي نوري صاحب قومي مشرانو ته د ښه راغلاست تر څنګ د ولسي ستونزو اورېدل او د حل په برخه کې یې هڅه د اسلامي امارت وجیبه وبلله زیاته یې کړه: دغه اسلامي نظام د همدې خلکو په سرښندونو او ستړیاوو راغلی او په دې برخه کې د لوګر ولايت باشهامته، دين پروره او غيرتي خلکو هم قربانۍ ورکړې، نوموړي زیاته کړه: زموږ دروازې د ټولو ولسونو پرمخ خلاصې دې او هڅه مو همدا ده، چې د ولسونو ستونزې واورو او د حل په برخه کې یې کار وکړو
