د غازي عبدالله خان اڅکزي په عالي لېسه کې فرهنګي مرکز او مجهز عامه کتابتون پرانستل شو!
د کندهار ولایت د سرحدونو او قبایلو چارو رئیس عبدالرازق عابد، د ولایت مقام مرستیال والي الحاج عبدالحنان منیب، امنیه قومندان جنرال تادین خان آڅکزي، د اطلاعاتو او فرهنګ رئیس حکمت الله افغان، ولسوالانو ، قومي مشرانو او ځوانانو سره یو ځای د سرحدونو او قبایلو چارو د ریاست اړوند د غازی عبدالله خان اڅکزي په عالي لیسه کې د شهید سترجنرال عبدالرازق خان اڅکزي په نامه فرهنګي مرکز او مجهز عامه کتابتون پرانيست.
دا کتابتون چه د ۲۵۰۰۰ زره ټوکو کتابونو ظرفیت لري د سرحدونو او قبایلو چارو د ریاست، د اطلاعاتو او فرهنګ ریاست او سپین بولدک د ښاروالي په ګډه همکاری جوړ شوى دی، موخه یې داده ترڅو د آړونده ولسوالیو ټولو ځوانانو، زده کوونکو لپاره د مطالعې ښه چاپیریال برابر شي.
.
د یادوني وړده، چې د ذکرشوي کتابتون لپاره د زرګونه ټوکو کتابونه مرسته د کندهار امنیه قومندان جنرال تادین خان، مرستیال والي عبدالحنان منیب، د سرحدونو او قبایلو چارو رئیس عبدالرازق عابد، د اطلاعاتو او فرهنګ رئیس حکمت الله افغان، د بولدک ښاروال او قومی مشرانو او تجارانو مرسته کړې ده.
