د عبدالقادر خان کوچي عالي لیسې څلور نېم مېاشتنۍ آزموینې پای ته ورسېدې.
دوشنبه ۸ د رجب المرجب/۱۴۴۴
په ننګرهار ولایت کې د سرحدونو، قومونو او قبایلو چارو وزرات اړوند د عبدالقادر خان کوچي عالي لېسې څلور نیمې میاشتنۍ ازموینې پای ته ورسېدې او زده کوونکو ته خپلې نمرې اعلان شوې.
په دغو مراسمو کې د لېسې مسؤلینو هغه کسانو ته چې په بریا سره یې یادې ازموینې مخ ته وړې وې مبارکي وویله او پاتې زده کوونکو ته یې په خپلو درسونو کې د کوښښ کولو سپارښتنه وکړه. د لیسې مسؤلینو په خپلو خبرو کې زده کوونکي خپلو زده کړو ته وهڅول او زیاته یې کړه چې د ژوند د کامیابۍ او ولس ته د خدمت کولو یوازینۍ لار تعلیم دی. د یادو مراسمو په پای کې زده کوونکو ته د لسو ورځو رخصتي وروسته د درسونو د بیا پیل کیدلو لپاره خبرتیا ورکړل شوه او مراسم پای ته ورسیدل.
