د سرحدونو قومونو او قبایلو چارو وزارت مسلکي معين د راروان کال د پلانونو د پلي کولو په پار د هماهنګۍ ناسته تر سره کړه
يکشنبه/۱۱/رمضان المبارک
د سرحدونو، قومونو او قبایلو چارو وزارت د مسلکي چارو معين مولوي عبدالرحمن حقاني د ياد معنيت اړوند د ښوونې او روزنې رئيس مولوي عبدالرحمن رحماني، د تحقيق او مطالعاتو رئيس مولوي هدايت الله حقاني، د پلان او پاليسي رئيس مولوي نيک محمد افغاني، د اطلاعاتو او عامه اړيکو رئيس ملا حمدالله فطرت او د وزارت اړوند ليسو او انستيتوت آمرينو سره وکتل. ښاغلي حقاني له رئيسانو او آمرينو څخه د تير کال د فعاليتونو، راتلونکو پلانونو او شته ستونزو په اړه واوريدل او د پلانونو د ښه تطبيق او ستونزو د حللارو په اړه يې نظرونه تبادله کړل. د مسلکي چارو معين ښاغلي حقاني په نوبت سره د ټولو رياستونو او آمريتونو راپورونه او ستونزې واوريدلې او د راتلونکي کال لپاره يې د خوشحال خان، رحمان بابا او پير محمد کاکړ ليسو د برېښنا د پرچاوي ختمول، اوبو رسونې سيستم او ژورو څاګانو جوړول اړين وبلل. دغه راز يې ټينګار وکړ چې پخپلو کې همغږي ولرو او د ستونزو او خنډونو په له منځه وړلو کې د يو بل سره همکاري وکړو.
