د سرحدونو قومونو او قبایلو چارو وزارت لوړ پوړي پلاوي غزني ته سفر وکړ.
د سرحدونو قومونو او قبایلو چارو وزارت د جرګو او قبایلي چارو د همغږۍ معین الحاج ملا عبدالخالق عابد او مل پلاوي د غزني ولایت له والي محمد اسحق اخندزاده سره په داسې حال کې ولیدل چې د همدې ولایت د سرحدونو ق.ق چارو ریاست رئیس مولوي محمد اسحق ادریس هم حضور درلود.
په سر کې د مولوي اسحق اخندزاده لخوا پلاوي ته ښه راغلاست وویل شو، ورپسې د سرحدونو قومونو او قبایلو چارو وزارت د پلاوي لخوا په یاد ولایت کې د یوې ولسي جرګې د دائرېدو په اړه وضاحت ورکول شو، د سرحدونو ق.ق چارو وزارت پلان لري چې په یاد ولایت کې یوه لویه ولسي غونډه دائره کړي، دا په داسې حال کې ده چې تر دې وړاندې هم د هېواد په لسګونه ولایتونو کې ولسي جرګې جوړې شوې دي.
