د سرحدونو او قبایلو چارو وزارت او د کوچیانو چارو سمون لوی ریاست سره ګډ کاري اړخونه لري!
دغه خبره نن د سرحدونو او قبایلو چارو وزیر محترم محمد شفیق ګل آغا شېرزي د کوچیانو چاور له لوی ریس ښاغلی استاد حبیب الرحمن احمد زي سره د خپل کار په دفتر کې په داسې حال کې، چې د وزارت محترم معینان هم حاضر وو، څرګنده کړه.
په دې کتنه کې د سرحدونو او قبایلو چارو وزیر په خپلو خبرو کې وویل: دواړه ادارې کولاې شي د سولې او ملي یووالي د ټینګښت او نورو ملي مسایلو په برخو کې ګډ کار وکړي.
ورپسې ښاغلي احمد زي د سولې، ملي یووالي او د هېواد په بیا رغونه کې د ښاغلي شېرزي هلې ځلې وستایلې او د دواړو ادارو ترمنځ یې د اړیکو پر پراختیا او ګډو هلو ځلو ټینګار وکړ.
