د سرحدونو، قومونو او قبایلو چارو وزارت د جرګو، قبایلي چارو د همغږۍ معين او ورسره مل پلاوي د کندوز ولايت د سرحدونو قومونو او قبایلو چارو له ریاست څخه لیدنه وکړه
د سرحدونو، قومونو او قبایلو چارو وزارت د جرګو او قبایلي چارو د همغږۍ معين الحاج ملا عبدالخالق عابد، د جرګو رئيس الحاج مولوي محمد اسماعيل غزنوي، د کوچیانو د اسکانو رئیس مولوي محمد نادر سنګین او د قومونو قبایلو چارو د ریاست استازی مولوي شمس الرحمن زاهد له یاد ریاست څخه په داسې حال کې لیدنه وکړه چې پر مهال یې د همدې ریاست رئیس مولوي احسان الله ثاقب او د ریاست کارمندانو هم حضور درلود. د یاد ریاست رئیس مولوي احسان الله ثاقب د دوی راتلو ته هرکلی ووایه، او وروسته یې له یاد پلاوي سره پر یو لړ ستونزو بحث وکړ، چې د پلاوي لخوا د حل په موخه ډاډ ورکول شو، د جرګو او قبائلي چارو معین الحاج ملا عبدالخالق عابد او د جرګو رئيس الحاج مولوي محمد اسماعيل غزنوي د هغوی چارې وستایلې او د لا همکاري ډاډ یې ورکړ.
