د سرحدونو، قومونو او قبایلو چارو سرپرست وزیر نورستان ولایت ته سفر وکړ
جمعه/۱۵/شوال المکرم/۱۴۴۴
د سرحدونو، قومونو او قبایلو چارو سرپرست وزیر الحاج ملا نورالله نوري او ورسره مل پلاوي د خپل کاري سفر په ترڅ کې د نورستان ولایت دو آب ولسوالۍ له ولسونو سره وکتل.
په دغه کتنه کې د یادې ولسوالۍ مسؤلینو، قومي مشرانو، علماء کرامو او ځوانانو د سرپرست وزیر او ورغلي پلاوي هرکلی وکړ او د خپلې سیمې اړوند غوښتنې او وړاندیزونه یې ورسره شریک کړل.
سرپرست وزیر ښاغلي نوري د یادې ولسوالۍ له خلکو ته خبرو کې وویل: د نورستان ټول وګړي یووالي ته ژمن ولسونه دي، تل یې په سختو حالاتو کې د ا.ا.ا ملاتړ کړی دی او تر څنګ یې درېدلي دي. هغه ژمنه وکړه چې د دې سیمې ستونزې به د حل په موخه تر اړوندو ارګانونو رسوي او د ستونزو په هوارولو کې به یې پوره هڅې کوي.
