د سرحدنو او قبایلو چارو وزارت د تشریفاتو نوي رئيس دیاد ریاست کارکوونکو ته ور وپېژندل شو!
نېټه : ۲۰-۶-۱۴۴۳
یاده غونډه چې په تشریفاتو ریاست کې دایره شوې وه ، پکې د سرحدونو او قبایلو چارو وزارت د مقام دفتر رئیس شیخ حضرت ولي حقاني، د اطلاعاتو او عامه اړیکو رئیس ملا حمدالله فطرت، د تدارکاتو رئيس سيدمحد امين اغا صاحب، د تشریفاتو نوي رئیس مفتی عیدمحمد انس ، ددې ریاست پخوانی رئیس سید احمد سپینوال او د یاد ریاست کارکوونکو حضور درلود.
په پیل کې د سرحدونو او قبایلو چارو وزارت مقام دفتر رئیس شیخ حضرت ولي حقاني د تشریفاتو د پخواني رئیس سید احمد سپینوال د کړنو او خدمتونو څخه مننه وکړه او تغیر او تبدیل يي د يوې اداري اصل و باله.
ښاغلي حقاني ددې ریاست پر مامورینو د نوي رئیس سره د پوره همکارۍ ټينګار وکړ ،او زياته يې کړه چي په ګډ کار سره بايد د نظام بنسټونه قوي کړو .
همدارنګه د تشریفاتو ریاست پخواني رئیس سید احمد سپینوال د مشرانو د پريکړې څخه هرکلی وکړ ،او نوي ریس مفتي عیدمحمد انس ته يې مبارکي وويله او په چارو کې يې ورته د بریا هیله وکړه.
نوي رئیس مفتي عیدمحمد انس د مشرانو د اعتماد او باور څخه مننه وکړه او هوډ يې څرګند کړ چي په ټول توان سره به د ياد رياست چاري پر مخ وړي او له خپلو همکارانو يې وغوښتل چي په پوره همغږۍ او په ګډکار سره ور سپارل شوې دندې پر مخ یوسي.
غونډه په دعا سره پاي ته ورسيده.
