د تورخم له کمیسار سره کتنه
د سرحدونو، قومونو او قبایلو چارو وزارت د جرګو او قبایلو چارو د همغږۍ ریئس ښاغلي مولوي محمد اسمعیل غزنوي په مشرۍ د سرحدونو، قومونو او قبایلو چارو وزارت پلاوي، چې په ترکیب کې یې د تحقیق او مطالعاتو ریئس مولوي هدایت الله، د سرحدونو د بررسۍ رئیس جنرال داور، له ولایتونو سره د اړیکو آمر مولوي منصور شتون لري او د ننګرهار ولایت د سرحدونو، قومونو اوقبایلو چارو رئیس قاري رحمت الله یې ملتیا کوله ، یکشنبې د (۱۴۰۰) لمریز کال د کب د میاشتې پر ۲۱نیټه د تورخم له کمیسار ښاغلي مولوي غازي الله سره وکتل.
په یاده کتنه کې پر سرحدي ستونزو، حل لارو او د قبایلو اړوند موضوعاتو په اړه خبرې وشوې او په همغږې توګه د ستونزوپه حل او د حل په موخه یې له اړونده ادارو سره په شریکولو ټینګار وشو.
