د بدخشان ولایت د شغنان ولسوالۍ د یو شمېر قومي مشرانو او مخورو ستونزې واورېدل شوې!
د سرحدونو او قبایلو چارو وزیر ښاغلي محب الله صمیم نن غرمه د بدخشان ولایت د شغنان ولسوالۍ له یوشمېر قومي مشرانو او مخورو سره د خپل کار په دفتر کې وکتل.
په دې کتنه کې قومي مشرانو او مخورو خپلې یو لړ ستونزې شریکې او په یادې ولسوالۍ کې د سیند د تخریباتو په اړه هم معلومات وړاندې کړل، چې د نوموړو په وېنا ډېری کرنیزې ځمکې یې ورته ویجاړې کړي او له ګڼو ستونزو سره یې مخه کړي دي.
دوی دغه راز د سرحدونو او قبایلو چارو وزارت له مشرتابه څخه وغوښتل، چې د ستونزو په هوارۍ که ورسره همکاري وکړي.
ورپسې ښاغلي محب الله صمیم د راغلو مشرانو ستونزې پر ځای وبللې او ډاډ یې ورکړې، چې د وزارت دروازې د تل په څېر ستاسو مشرانو پرمخ پرانېستې دي او ستاسو د ستونزو هوارول مو له کاري لومړیتوبونه څخه دي، چې له اړوندو ادارو سره به یې شریکې کړو.
