د بایزید روښان د لوړو زده کړو مؤسسې له بنسټګر او د بېلابېلو ولایتونو له قومي مشرانو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن شنبې د ۱۳۹۹ لمریز کال د تلې میاشتې پر ۱۲ مه نېټه د بایزید روښان د لوړو زده کړو مؤسسې له بنسټګر ښاغلي میرزا محمد صافي، قومي مشر ښاغلي غفورخان، ښاغلي پاچا امین او ملګرو سره یې د خپل کار په دفتر کې وکتل.
په دې کتنه کې ښاغلي صافي د بایزید روښان د لوړو زده کړو مؤسسې د فعالیتونو په اړه معلومات وړاندې کړل او راغلو قومي مشرانو خپلې یو لړسیمه ییزې ستونزې د حل په موخه شریکې کړې.
همدا راز نوموړو د موجوده نظام څخه خپل بشپړ ملاتړ څرګند او له وزارت سره یې د هر راز همکاریو ډاډ ورکړ.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم په خپلو خبرو کې د راغلو مېلمنو څخه مننه وکړه او د قومي مشرانو سره یې د چارو په مخته وړلو او ستونزو هوارولو کې په بشپړې همغږۍ او سلامشورو ټینګار وکړ.
