د افغانستان د علومو اکاډمۍ له ریيس سره کتنه!
د سرحدونو او قبایلو چارو وزیر ښاغلی محب الله صمیم نن چهارشنبه د روان لمریز کال د مرغومې په ۱۷مه نېټه د افغانستان د علومو اکاډمۍ له رییس ښاغلی محمد ظاهر شکیب سره وکتل.
په دې کته کې ښاغلي شکیب د سرحدونو او قبایلو چارو د وزیر په توګه ښاغلي صمیم ته د مبارکۍ ویلو په ترڅ کې وویل: وزارت او علومو اکاډمۍ سره ګډې فرهنګي موخې لري او د فرهنګي اړیکو په پراختیا کې به تل له یو بل سره همکار وي.
ورپسې ښاغلي صمیم د علومو اکاډمۍ رییس له راتګ څخه مننه وکړه، زیاته یې کړه: زموږ هڅه به دا وي چې د علمي ـ تحقيقي سمینارونو په جوړولو، د ګټورو کتابونو او آثارو په راکړه ورکړې او نورو فرهنګي چارو په پیاوړتیا کې له یو بل سره اړیکې لا پراخې کړو.
