د افغانستان د اسلامي جمهوريت منتخب جمهور رئيس جلالتماب محمد اشرف غني د لوړې مراسم پرځاى کړل!
د سرحدونو او قبايلو چارو وزارت مقام او ټول کارکوونکي د يوې بلې پنځه کلنې دورې لپاره د افغان ولسمشر په توګه د جلالتمآب ولسمشر د کار د لوړی تر سره کیدو له امله د مبارکيو او نيکو هيلو د وړاندې کولو ترڅنګ هيله څرګندوي، چې ښاغلى ولسمشر به د هېواد د خپلواکۍ د بېرته ګټلو د ستر اتل غازي امان الله خان نيمګړى فصل تکميلوي او زموږ ګران هېواد افغانستان به د نړۍ له پرمختللو هېوادونو سره سيالوي.
يو ځل بيا جلالتمآب ولسمشر، درنو مرستيالانو او ټولو درنو هېوادوالو ته د جمهوريت د بقا مبارکي وايو او د خپل ملاتړ او همکاريو د ډاډ ورکولو ترڅنګ هېواد د ملي ګټو د ساتلو او د چارو په پرمخ بېولو کې ورته د لازياتو برياوو هيله کوو.
ژوندى دې وي زموږ منتخب جمهوري نظام!
درنښت
محمد شفيق ګل آغا شېرزى
د سرحدونو او قبايلو چارو وزير
