د اسلام د ستر پیغمبر حضرت محمد مصطفی ص نیکمرغه میلاد ولمانځل شو!
د فراه ولایت د سرحدونو او قبایلو چارو ریاست له لوري د حضرت محمد مصطفی"ص" د مبارک میلاد په مناسبت یوه لویه او منور غونډه جوړه شوه، چې په کې د ولایت مقام مرستیال او سرپرست والي ښاغلي مسعود بختور د ولایتي شورا سرپرست رئیس اوغړو د ولایتي تولو ملکي اونظامي ادارو مسئولینو، ولسوالانو، دیني عالمانو، مخورو، قومي مشرانو، ځوانانو، خویندو او ورونو په شمول (۶۰۰) تنو زیاتوکسانو برخه اخیستې وه.
دغونډې په پیل کې دقرانکریم مبارک ایاتونه تلاوت شول، وروسته بیا دسرحدونو اوقبایلو چارو رئیس محمداکبر"عمر" د غونډې برخوالوته ښه راغلاست ووایه او دحضرت محمد مصطفی"ص" دمبارک میلاد په مناسبت یی د غونډې برخوالوته ته مبارکی وویله او د انحضرت"ص" د ژوند اوسیرت په باره کی خبرې و کړې.
ورپسی د کوچنیو نجونو د ترانې ټیم دحضرت محمد"ص" دصفاتو په اړوند عربي ښکلې ترانه وویله ورپسی دولایتی شورا رئیس سرپرست رئیس شاه محمود نعیمی وینا وکړه ورپسی د امام ابو حنیفه جامع جومات خطیب مولوی عبدالمنان عالمانه وینا وکړه وروسته داهل تشیع علماوو په استازیتوب عزت الله نظری خبری وکړې.
همداراز د احمدشاه بابا د ترانې ټیم ښکلې اسلامي ترانه وړاندې کړه، دولایت مقام مرستیال او سرپرست والی ښاغلي مسعود دحضرت محمد مصطفی "ص" دژوند په باره کی خبرې وکړې اوهمدارنگه دسولې په اړوند یې هم خبرې وکړې له ولسونو یې وغوښتل چه تربل هروخت دسولې درارسیدو امکانات زیات شوی بناء علما اوټول فراهی ولس باید دسولې دتاءمین په اړوند خپل کوششونه زیات کړی وروسته د حج او قافو رئیس عبدالجبار مطمین خبرې لنده وینا وکړه وروسته مفتی کریمی الله حنفي اختتامیه دعا وکړه.
