د ارواښاد نجيب الله تره کي د فاتحې په مراسمو کې ګډون!
د سرحدونو او قبايلو چارو وزارت سرپرست او نوماند وزير ښاغلي محب الله صميم نن په داسې حال کې چې په ولسي جرګه کې د ننګرهار ولايت د خلکو استازي هر يو عبدالرؤف شپوڼ، نياز ولي مسلم شينواري او عبدالکريم کريم او د ننګرهار د ولايتي شورا مرستيال ښاغلي اجمل عمر هم ورسره ملګري وو، د کرکټ د ملي لوبډلې د تکړه غړي ارواښاد نجيب الله تره کي د فاتحې په مراسمو کې برخه واخيسته او نوموړي ته يې د مغفرت دعا ترڅنګ د خپل ژور خپګان مراتب څرګند کړل.
د يادونې وړ ده چې نجيب الله تره کي څه موده مخکې په یوې ترافيکي پېښه کې ټپي شوی و او له څو ورځو بستر وروسته يې خپل ځان حق ته وسپاره.
