د ارغنداب ولسوالي له قومي مشرانو او دیني عالمانو سره کتنه
۱۴۴۴قمري کال د ربيع الثاني٢٤مه
د سرحدونو، قومونو او قبایلو چارو سرپرست وزیر الحاج ملا نورالله نوري نن په خپل کاري دفتر کې د زابل ولایت ارغنداب ولسوالي له قومي مشرانو او دیني عالمانو سره وکتل او د دوی ستونزې یې واورېدلې. په پيل کې راغلو قومي مشرانو او دیني عالمانو د زابل ولایت ارغنداب ولسوالي د خلکو اړتیاوې شریکې کړې او همدا راز یې له ياد وزارت څخه چې له خلکو سره د ستونزو په حل کې همکاري کوي مننه وکړه. ورپسې د سرحدونو، قومونو او قبایلو چارو سرپرست وزیر الحاج ملا نورالله نوري د راغلو قومي مشرانو او دیني عالمانو له نیکو او با ارزښتو خبرو څخه هرکلی وکړ او د وزارت په استازولي یې د بشپړې همکارۍ ډاډ ورکړ.
