خوست ته د سرحدونو قومونو او قبایلو چارو وزارت د لوړ رتبه پلاوي سفر
۱۰ جمادی الثاني ۱۴۴۴
د سرحدونو قومونو او قبایلو چارو وزارت د جرګو او همغږۍ معین الحاج ملا عبدالخالق عابد او ورسره مل پلاوي د خوست له والي الحاج بسم الله عبدالله سره په ولایت مقام کې وکتل. لومړی د والي الحاج بسم الله عبدالله لخوا پلاوي ته هرکلی وویل شو او د خوست ولایت د قومونو تر منځ د اتفاق، د ډاډمن امنیت په اړه ډاډ ورکول شو، وروسته د سرحدونو قومونو او قبایلو چارو وزارت د پلاوي لخوا ژمنه وشوه، چې په یاد ولایت کې به د قومونو تر منځ د اتفاق او یووالي تر عنوان لاندې غونډې پر لار اچوي.
