پروان کې مسؤلينو له خلکو سره يوه لويه ولسي غونده ترسره کړه
يکشنبه ۲۴محرمالحرام ۱۴۴۷ د ملت اتحاد، د اسلامي نظام بقاء او د ولسونو هوساینې تر عنوان لاندې د پروان ولايت له خلکو سره د سرحدونو، قومونو او قبايلو چارو وزارت لخوا يوه ستره ولسي غونډه جوړه شوه.دا غونډه د جرګو او قبایلي چارو د همغږۍ د مرستیال الحاج مولوي محمد علي جان احمد په مشري د مل پلاوي په حضورکې ترسره شوه، چې پکې د ياد ولايت والي مفتي محمد ادريس انوري، علماوو، قومي مشرانو او ګڼو ولسي خلکو ونډه لرله.د وزارت د اطلاعاتو او عامه اړیکو رئیس مفتي تسلیم الله حقاني د پيل په وينا کې وويل: نن چې د پروان ولسونه په يو ټغر راټول دي همدا د يووالي او اتفاق يو روڼ انځور دی او هيله لرو، چې د تل پاتې ثبات بنسټ به وګرځي.قومي مشرانو د ا.ا په حاکميت خوښي څرکنده کړه اوويې ويل:موږ دهمداسې يوشرعي نظام دراتګ خوبونه ليدل،چې الله ج داپېرزوينه راباندې وکړه اوله اسلامي نظام څخه یې برخمن کړو،دوی همداراز په وار وارخپلې ولسي ستونزې هم له ورغليو مشرانو سره شريکې کړې،چې دحل په موخه يې دجدي پاملرنې غوښتنه وکړه.د وزارت د جرګو او قبایلي چارو مرستیال، الحاج مولوي محمد علي جان احمد وویل: د مېلیونونو شهیدانو په سپېڅلو وینو لاسته راغلی نظام زموږ د ټولو ګډ کار، وفادارۍ او ملاتړ ته اړتيا لري، تر څو لا پیاوړی شي.
نوموړي په خلکو غږ وکړ، چې په یو غږ یو عزم او یو صف کې د دې نظام ملاتړ وکړي ترڅو دا امانت راتلونکو نسلونو ته هم وساتل شي. ښاغلي احمد له امريکا او د هغوی متحدينو سره شل کلنه مبارزه د الله ج د رضا، د هيواد ازادي او د ولسونو د هوسا ژوند لپار وبلله.
د غونډې په وروستۍ برخه کې د کوچيانو چارو عمومي رئیس ملا محمد بصر صاحبزاده په تېر شل کلن جهاد کې د پروان د خلکو قربانۍ وستايلې او دا يې د ا.ا. مسؤليت وباله، چې په ټول توان د دې خلکو خدمت وکړي.
همدا راز د جرګو رئیس شیخ نیک محمد افغاني د ناوړه رواجونو په مورد د اميرالمؤمنين حفظه الله تعالی د فرمان لوستلو تر څنګ د هغه د پلي کولو سپارښتنې هم وکړې.
