وسلوال مخالفین، د هېواد، سولې او انسانیت دښمنان یواځې جګړه
وسلوال مخالفین، د هېواد، سولې او انسانیت دښمنان یواځې جګړه، خشونت او افراطیت پېژني دوی د سولې اراده نلري او له سولې وېره لري ځکه باداران یې نه غواړي، چې په افغانستان کې قوي نظام اوسي.
زه هېوادوالو ته په پوره ډاډ سره ویلای شم چې افغان امنیتي او دفاعي ځواکونه په خورا لوړ مورال سره له ګران هېواد، ولس، ځمګنۍ بشپړتیا څخه پوره دفاع او ساتنه کوي چې وحشي دښمن ته یې د جګړې په ډګر کې کلکه ماته ورکړې.
له ولسونو مننه کوم، چې، د خپل نظام او امنیتي ځواکونو ملاتړ کوي او تر څنګ یې ولاړ دي، ان شاالله چې نور به دا ولسونه د جمهوریت تر چتر لاندې د دې پردیپال دښمن پر وړاندې په یو واحد صف کې سره منسجم کېږي.
محب الله صمیم
د سرحدونو او قبایلو چارو وزیر
