د سرحدونو قومونو او قبایلو چارو وزارت د مربوطه ليسو د بنديدلو ادعا ګانې يوازي منفي تبليغات دي
د رحمان بابا او خوشحال خان عالي ليسو د بنديدلو او يا په مدرسو د تبديلي خبر بې بنسټه دی او موږ يې په کلکه ردوو. خوشحال خان ، رحمان بابا او پير محمد کاکړ عالي ليسې او بايزيد روښان انستيتوت په پلازمېنه کابل کې هغه تعليمي بنسټونه دي چي د هيواد په کچه شهرت لري او هر کال زرګونه شاګردان پکې زده کړې کوي، د سرحدونو قومونو او قبایلو چارو وزارت به ددغو ښوونيزو بنسټونو د لا تقويې لپاره هڅې کوي او زده کونکو ته به د ښه تدريسي ماحول، مناسب خوراک او ارامې هستوګنې سهولتونه برابروي. ___________________ د سرحدونو قومونو او قبایلو چارو وزارت
د اطلاعاتو او عامه اړيکو رياست.
