د وزارت د سرحدي او قبايلي معلوماتو د انسجام پروژې فعاليتونه وارزول شول!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن د وزارت سرحدي او قبايلي معلوماتو د انسجام پروژې له متخصصينو سره وکتل او د دوې فعاليتونه يې وارزول.
په دې کتنه کې ښاغلي بارکزي د وزارت د کارکوونکو د وړتیاوو د لوړولو، د دوې د ستونزو د اورېدو، او په هره برخه کې د اصلاح په موخه د وزارت د کارکوونکو سلا مشورو په اړه د دغې پروژې کارکوونکو ته لازمې لارښوونې وکړې.
ورپسې د یادې پروژې مسوولينو د خپلو کړنو په اړه څرګندونې وکړې ډاډ يې ورکړ، چې خپلې چارې به د وزارت له ټولو رئيسانو او سلاکارانو سره په بشپړې همغږۍ او پوره صداقت پرمخ بیایي.
