د غزني ولايت له سلاکارې او ښځينه فعالانو سره کتنه!
د سرحدونو او قبايلو چارو وزير ښاغلي محب الله صميم نن له غرمې وروسته غزني ولايت ته د رسمي سفر په دويمه ورځ د ياد ولايت له سلاکارې اغلې ډاکټرې آمنې حکيمي، د واغز ځوانانو شورا استازې اغلې نظيفې صالح او نورو ښځينه فعالينو سره وکتل!
په پیل کې يادو فعالينو غزني ولايت ته د سرحدونو او قبايلو چارو وزير د سفر هرکلى وکړ، چې دلته راغلى او د دوى ستونزې، غوښتنې او وړانديزونه له نږدې اوري او د حل په موخ يې له اړوندو مقاماتو سره شريکوي.
دغه راز يې د ښځينه فعالينو او کارکوونکو په فعاليتونو او کړنو رڼا واچوله او له موجوده نظام څخه يې خپل بشپړ ملاتړ څرګند کړ.
ورپسې ښاغلي محب الله صميم خبرې وکړې او د افغان مېرمنو شهامت ته يې په اشارې سره وويل : بشپړ باور لرم، چې تاسو مېرمنو د تل په څېر د خپلو وروڼو سره يو ځاى د دې خاورې او نظام دفاع او ساتنه کړې او تل به يې کوی.
د سرحدونو او قبايلو چارو وزير زياته کړه موجوده نظام مو په ملي او نړيواله کچه ملاتړي لري او هم په دې برخه کې اجماع رامنځته شوې، تاسو ته ډاډ درکوم چې د غزني امنيتي وضعيت به لاښه کېږي او خلکو ته به د ژوندانه ټول سهولتونه برابريږي.
