له قومي او جهادي مشرانو سره ناسته!
د سرحدونو او قبایلو چارو سرپرست او نوماند وزیر ښاغلي محب الله صمیم نن چهارشنبې د ۱۳۹۹ لمریز کال د وږي میاشتې پر ۲۶ مه نېټه د افغانستان د متحد اسلامي ګوند له مشرانو ښاغلي هدایت الله، الحاج محمد صدیق عزیز، انجینر صاحب خان، محمد رضا معصومي، امین الله حکمت، بلال خان او جنرال ظاهر قادري سره د خپل کار په دفتر کې وکتل.
په دې کتنه کې چې د وزارت مالي او اداري معین ښاغلی شجاع الملک جلاله خان او د سرحدي څېړنو معین ښاغلی ډاکټر محمد آصف قاضیزاده هم حاضر وو، راغلو مشرانو د سرحدونو او قبایلو چارو وزارت سرپرست او نوماند وزیر په توګه د ښاغلي محب الله صمیم ته د ټاکل کېدو له امله د مبارکۍ ویلو په ترڅ کې د قومونو په انسجام، د سولې په ټینګښت، د فرهنګي او کلتوري اړیکو د پیاوړیتا په برخه کې د خپلو هکماریو ډاډ ورکړ او د موجوده نظام څخه یې خپل بشپړ ملاتړ څرګند کړ.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم د یادو مشرانو له راتګ څخه خوښي څرګنده کړه وې ویل: چې د سرحدونو او قبایلو چارو وزارت دروازې تل ستاسو درنو مشرانو پر مخ پرانېستې دي او کومې ستونزې چې شتون لريٍ هغه به موږ د دولت د لوړپوړ چاراکو پورې ورسوو، ترڅو ورته د حل لارې چارې پیدا کړو.
