له علمي شخصیتونو او قومي مشرانو سره کتنه!
د سرحدونو او قبایلو چارو سرپرست او نوماند وزیر ښاغلي محب الله صمیم نن له غرمې مخکې د خپل کار په دفتر کې د افغانستان د علومو اکاډمۍ له علمي فرهنګي شخصیتونو، او د بغلان ولایت له یو شمېر قومي مشرانو او مخورو سره وکتل.
په دې کتنه، چې د وزارت مسلکي معین ښاغلی ډاکټر فریدون بارکزی، مالي او اداري معین ښاغلی شجاع الملک جلاله خان او د سرحدي څېړنو معین ښاغلی ډاکټر محمد اصف قاضیزاده، د بشري زېرمو رئيس ښاغلی محمد یاسین پکتین او د تحقیق او مطالعاتو رئيس ښاغلی جاوید احمد وفا هم حاضروو، یادو استادانو او قومي مشرانو محترم صمیم صاحب ته د مبارکي څرګندولو په ترڅ کې له وزارت سره د خپلو هراړخیزو همکاریو ډاډ ورکړ او د عزت پګړۍ یې ورپه سر کړه.
ورپسې د سرحدونو او قبایلو چارو سرپرست او نوماند وزیر ښاغلي محب الله صمیم ددغو علمي شخصیتونو او قومي مشرانو له راتګ څخه مننه وکړوې ویل: هڅه به مو دا وي چې په ګډه کار وکړو، د افغانستان د ټولو قومي مشرانو او مخورو سلامشورې واورو، د هېواد په مرکز او ولایتونو کې د مشرانو سره له نږدې وګور او ستونزې هوارې کړو، دا زموږ دنده ده، چې ستونزې له اړوندو مقاماتو سره شریکې کړو.
