د وزارت اړوندو لېسو اداري او تدريسي وضعيت وڅېړل شو!
د سرحدونو او قبايلو چارو وزارت مسلکي معين ښاغلې ډاکټر فریدون بارکزي په داسې حال کې، چې د مقام د دفتر رئیس ښاغلى نورآقا ناصري، د ښوونې او روزنې رياست وارسي کوونکى ښاغلى جمال الدین زاهد، د مالي او حسابي رياست وارسي کوونکى ښاغلى حميدالله بارکزى او د وزارت اړوندو لېسو امرين هم حاضر و، د يوې غونډې په ترڅ کې د وزارت اړوندو لېسو وضعيت وڅېړه.
په دې کتنه کې لومړى د لېسو آمرينو په بېلابېلو برخو کې هر اړخېز معلومات وړاندې کړل او يو لړ ستونزې يې شريکې کړې.
ورپسې ښاغلې مسلکي مرستيال د وزارت له خوا په لېسو کې ژورو اصلاحاتو راوستو ته په اشارې سره وويل: وزارت ژمن دى، چې د اصلاحاتو د تطبيقولو لړۍ روانه وساتي، نوموړي اړوندو ريسانو ته لارښوونه وکړه، چې د لېسو ستونزو ته رسیده ګي وشي او پر وخت غوره خدمات وړاندې شي.
