د ملي شورا په دواړو مجلسونو کې د بېلابېلو ولایتونو د خلکو له استازو، سناتورانو، مخورو او لسګونو قومي مشرانو سره کتنه!
د سرحدونو او قبایلو چارو وزارت مسلکي مرستیال ښاغلي ډاکټر فریدون بارکزي نن سې شنبې د ۱۳۹۸ لمریز کال د کب میاشتې پر ۲۷ مه نېټه د ولسمشر له سلاکار او ښاراو کورجوړولو له پخواني وزیر ښاغلي محمد یوسف پښتون، په ولسي جرګه کې د بېلابېلو ولایتونو د خلکو له استازو هر یو ښاغلی عبدالولي افغان، د کندز استازی ښاغلي مومند، دارزګان استازی ښاغلي قدرت الله رحیمي، د بغلان استازی ښاغلي احمدزي، د ننګرهار استازی ښاغلي شپون، او ګڼ شمېر قومي مشرانو او مخورو سره د خپل کار په دفتر کې وکتل.
په دې کتنه کې د ملي یووالي، د سولې د ټینګښت، د قومونو په انسجام، په خپلو سیمو کې د ملي پروژو په پلي کولو او د هېواد د روان وضعیت په اړه له قومي مشرانو سره په سلا مشورو بحث او خبرې وشوې.
همدا راز ښاغلي بارکزي په خپلو خبرو کې د سرحدونو او قبایلو چارو وزارت د ټولو مېشتو درنو قومونو ګډ کور وباله او وې ویل: چې د یاد وزارت دروازې د تل په څېر ستاسو پرمخ پرانېستې او ستاسو سلا مشورې اړینې دي.
