د جلالتماب ولسمشر لومړۍ مرستیال له نني ترهګریز برید څخه روغ وتلې دی!
د هېواد او خلکو دښمنانو نن سهار د کابل تایمني سیمه کې د ولسمشر د لومړي مرستیال ښاغلي امرالله صالح د موټرو په کاروان ترهګریز برید وکړ، چې له امله یې زموږ یو شمېر بېګناه هېواد وال شهیدان او یو شمېر نور ټپیان شوي دی خو ښاغلي صالح ته کوم زیان نه دې اوښتې.
په داسې حال کې چې د سولې خبرو اترو او پروسې لپاره تیاری نیول کیږي دغه شان ترهګریز بریدونه کولای د سولې خبرې له ستونزو سره مخامخ کړي
ترهګر باید په دې پوه شي چې ددغه شان بریدونو په ترسره کولو سره به هیڅکله هم خپلو شومو موخو ته ونه رسيږي.
د سرحدونو او قبایلو چارو وزارت په داسې حال کې، چې دغه شان کرغېړن برید په کلکه غندي او هغه د سولې پروسې په زیان بولي د پېښې شهیدانو ته فردوس جنت، ټپیانو ته د بشپړې روغتیا هیله کوي.
درنښت
محمد شفیق ګل آغا شېرزی
د سرحدونو او قبایلو چارو وزیر
