د افغانستان د بيلابيلو ولايتونو له يو شمېر قومي استازو سره کتنه.
د سرحدونو، قومونو او قبایلو چارو سرپرست وزیر الحاج ملانورالله نوري داسي مهال چې ددغه وزارت د جرګو او قبایلي چارو د همغږۍ معین ملا عبدالخالق عابد او مولوي محمد اسماعیل غزنوي هم موجود وو نن له غرمې مخکې د افغانستان د بيلابيلو قومونو يو شمېر استازو سره ددغه وزارت د کنفرانسونوپه تالار کې وکتل.
د راغلو مشرانو په استازیتوب ښاغلي زهیر زرمتي، لعل آغا کاکړ، امیرمحمد ایماق اونورو د خبروپه ترڅ کې د قومونو د انسجام په برخه کې د وزارت رهبرۍ د هڅوله امله مننه وکړه، یو لړ ستونزې یې د حل په موخه شریکې کړې او له امارت سره یې د هرډول همکاریو ډاډ ورکړ.
د سرحدونو،قومونواوقبایلو چارو سرپرست وزیر ملا نورالله نوري د قومونو د مشرانو او استازو له راتګ څخه مننه وکړه وې ویل: افغانستان د ټولو قومونو ګډ کور دی ، ټول افغانان له اشغال څخه د هېواد په آزادۍ کې شریک دي اوپه دې لاره کې يې قربانۍ ورکړې.
دغه راز یې د سرحدونو، قومونو او قبایلو چارو وزارت ولسي وزارت یاد کړ زياته يې کړه چې دا وزارت دخلکو او نظام ترمنځ د اړیکو د پل حیثیت لري ، چې مشرتابه یې د خلکو د ستونزورپه هوارولو کې همکاري خپل مسؤلیت او دنده بولي.
نوموړي ډاډ ورکړ چې له امکاناتو سره سم به د هيواد د ټولو قومونو د ستونزو حل ته پاملرنه کوي.
غونډه د قومونوتر منځ دیووالي او پیوستون په دعا پای ته ورسېده.
