اداري مجلس جوړ شو!
د سرحدونو او قبایلو چارو د سرپرست او نوماند وزیر ښاغلي محب الله صمیم په مشرۍ او د معینانو، سلاکارانو او رییسانو په ګډون نن یکشنبې د ۱۳۹۹لمریز کال د لیندۍ پر۹مه نېټه د وزارت اداري مجلس جوړ شو.
په پیل کې د تدارکاتو رئیس په تېرو کلونو کې د ځینو تدارکاتي او قراردادي چارو او ستونزو، مالي او اداري رییس د عادي او پرمختیايي بودجې د لګښت د سلنې، د جرګواو قبایلي چارو د همغږۍ ریاست اړوند له دیني عالمانو او روحانیونو سره د اړیکو امر په پکتیا ولایت کې د۳۰۰ تنو دیني عالمانو، قومي مشرانو او مخورو په ګډون د جمهوري نظام، ملي امنیتي - دفاعي ځواکونو سولې بهیر د ملاتړ او د تېروشلو کلونو د لاسته راوړنو د ساتلو په اړه د یوې جرګې د جوړېدو رپوټ وړاندې او همدا رازیې د خلکو یو لړ غوښتنې د حل په موخه د سرحدونو او قبایلو چارو له سرپرست وزیر سره شریکې کړې، چې ښاغلي صمیم یې د حل کېدو په برخه کې د هڅو ژمنه وکړه.
دغه راز په مجلس کې یو شمېر نورو متفرقه موضوعاتو هم بحث او پرېکړې وشوې په اړه یې اړوندو مسؤلینو ته د قانوني کړنو لارښوونه وشوه.
