کاپيسا کې د ۱۵ کلونو اوږده شخړه پای ته ورسېده
چهارشنبه ۲۷ محرمالحرام ۱۴۴۷ د کاپيسا ولايت په تګاب ولسوالۍ کې د دوو کورنيو ترمنځ د شاوخوا ۱۵ کلونو اوږمهاله دښمني، چې دواړو لوريو ته يې ګڼې ستونزې ولاړې کړې وې حل او طرفينو سوله ييز ژوند ته مخه کړه. د دغه شخړې له امله دوه تنه وژل شوي او څو تنه ټپيان شوي وو، چې د ياد ولايت د سرحدونو، قومونو او قبايلو چارو آمريت مسؤلينو د ځايي قومي مشرانو، ديني عالمانو او اسلامي امارت منسوبينو په منځګړيتوب د يوې شرعي فيصلې په کولو سره يو له بل سره پخلا او د ورورۍ غاړې يې سره ورکړې. ښکېلو اړخونو د مسؤلينو له لوري ترسره شوې هڅې وستايلې او له هغوی يې په مننې کولو سره ژمنه وکړه، چې په راتلونکي کې به دا ډول دښمنيو ته زړه ښه نه کړي بلکې له پوره زغم او حوصلې څخه به کار اخلي.
