په ولسي جرګه کې د کابل ولایت د خلکو له استازي سره کتنه!
د سرحدونو او قبایلو چارو وزیر ښاغلي محب الله صمیم نن مازدیګر په ولسي جرګه کې دکابل ولایت د خلکو له استازي ښاغلي اميرګل شاهین سره د خپل کار په دفتر کې وکتل.
په دې کتنه کې د هېواد د روانو حالاتو، د سیاسي ثبات د اړتیا ، د سولې او ملي یووالي په ټينګښت کې د ولسونو د هلو ځلو، د افغانانو له خوا د سولې په خبرو کې د اوربند غوښتنې، له شته نظام څخه د خلکو د ملاتړ، ګډو همکاریو، د ملي پروژو په تطبیق کې د هاند او هڅو او یولړ نورو موضوعاتو په اړه بحث او خبرې وشوې.
