د ځدراڼو قوم ټولنیزي شورا له مشر او غړو سره ناسته!
د سرحدونو او قبایلو چارو وزیر محترم محب الله صميم نن له غرمې وروسته په خپل کاري دفتر کې په افغانستان کې د ځدراڼو قوم ټولنیزې شورا له مشر حاجي صاحب مارک ځدراڼ او نورو غړو سره وکتل.
په دې کتنه کې دواړو لورو، د سولې او ملي يووالي په ټينګښت کې د قومي مشرانو او قومي جوړښتونو د رول، د سولې په پروسه کې د شته فرصتونو، له نظام او ملي امنيتي _ دفاعي ځواکونو څخه د ولسونو د ملاتړ، د جګړو او تاوتریخوالي د غندلو او د اوربند په اړه د ولسونو له خوا د غږ اوچتولو او يو شمېر نورو موضوعاتو په اړه بحث او خبرې وکړې.
