د هېواد د پياوړي ژورنالست د شهادت په اړه د سرحدونو او قبايلو چارو وزارت د خواخوږۍ او غندنې پيغام!
د هېواد د خلکو او د بیان ازادۍ دښمنانو د خپلو جنایتونو په دوام نن ماښام په غزني ولایت کې ددغه ولایت د ژورنالېستانو د اتحادیې رییس پياوړي ژورنالست او د الجزیرې تلویزیوني شبکې مسلکي خبریال رحمت الله نېکزاد د خپل کور مخې ته په شهادت رسولی دی.
انا لله وانا الیه راجعون
د هېواد او د بیان د ازادۍ دښمنان غواړې چې په دغه شان بریدونو سره په ټولنه کې خپل تروریستي اعمال او جنایتونه له ولسونو پټ کړي خو دوی دې پوه شي، چې هېڅکله به هم د بیان د ازادۍ رسا غږ خاموش نه شي او د هرې ورځې په تېرېدو سره به دغه غږونه لا پسی اوچتيږې.
د سرحدونو او قبايلو چارو وزارت دغه ظالمانه عمل په کلکه غندي، شهید رحمت الله نیکزاد ته فردوس جنت، کورنۍ، دوستانو، او خواخوږو ته يې تسلیت وایي.
روح دې ښاد وي
محب الله صمیم
د سرحدونو او قبایلو چارو وزیر
