د مارچ دویمې، د بلوڅو د قوم ملي فرهنګ ورځې په مناسبت د سرحدونو او قبایلو چارو وزارت پیغام!
ترهرڅه نه مخکې ددغې ملي ورځې له امله خپلو ټولو بلوڅو وروڼو ته مبارکي وایم .
زموږ بلوڅو ورڼو تل د هېواد د نورو قومونو په څېر له ملي ګټو، ځمګنۍ بشپړتیا، نظام او جمهوریت څخه په مېړانې ساتنه او دفاع کړې چې موږ یې د بې شمېرو قربانیو قدرداني کوو، ګران هېواد افغانستان د ټولو درنو قومونو ګډ کور دی چې هر قوم د هېواد د ښېرازۍ، ځمکنۍ بشپړتیا او سرلوړی افغانستان لپاره قرباني ورکړې او لا هم په همدې ویاړلې لار کې له حکومت سره اوږه په اږه پر مخ روان دي، زموږ موخه او له کاري لومړیتوبونو څخه اساسي هدف دا دی چې همدې درنو قومونو ته د ښه ژوند کولو په موخه اساسي اسانتیاوې رامنځته کړو، همدې اصل ته په کتو به موږ د بلوڅو ورڼو د ژوند اساسي غوښتنو ته رسیدګي کوو او شته ستونزې به یې د نورو قومونو په څېر حل کوو.
محب الله صمیم
د سرحدونو او قبایلو چارو وزیر
