د غزني ولایت له یو شمېر قومي مشرانو او مخورو سره ناسته!
د سرحدونو او قبایلو چارو وزیر ښاغلي محب الله صمیم نن له غرمې وروسته د غزني ولایت له یو شمېر قومي مشرانو او مخورو سره د خپل کار په دفتر کې وکتل.
په دې کتنه کې راغلو مشرانو د خپلو سیمه ییزو ستونز شریکولو ترڅنګ وویل: د سرحدونو او قبایلو چارو وزارت تل په هېواد کې د مېشتو درنو قومونو تر منځ د یووالي د ټینګښت لپاره کار کړی دی او د هغوې ستونزو ته یې د حل لارې چارې پیدا کړې دي، چې د یاد ولایت قومي مشران او مخور د وزارت هڅې د ستايلو وړ بولي او له خپل موجوده نظام څخه بشپړ ملاتړ کوي.
ورپسې ښاغلي محب الله صمیم په خپلو خبرو کې د یادو قومي مشرانو له هېوادنې احساس څخه مننه وکړه وې ویل: موږ په دې ویاړو، چې پوه او د کار وړ قومي مشران لرو او له موږ سره یې د تل په څېر د هېواد د ملي ګټو په ساتلو کې همکارۍ کړي او ستاسو درنو مشرانو ستونزې به له اړوندو ادارو سره د حل په موخه شریکې کړم.
د یادونې وړ ده، چې راغلو مشرانو یو ټوک کتاب (افغانستان در مسیر تاریخ) تر عنوان لاندې وزیر صاحب ته ډالۍ کړ.
