د سلیمانخېلو قومي شورا له مشر او غړو سره کتنه!
د سرحدونو او قبایلو چارو وزارت مسلکي معین ښاغلي محمد آصف ننګ نن له غرمې وروسته د سلیمانخېلو قومي شورا له مشر ښاغلي محمد ایوب خالقیار سلیمانخېل او غړو سره د خپل کار په دفتر کې وکتل او د دوی ستونزې یې واورېدې.
په دې کتنه کې یادو مشرانو په بېلابېلو برخو کې د وزارت هلې ځلې وستایلې او له وزارت سره یې د خپلو همکاریو ډاډ ورکړ.
دغه راز ښاغلي ننګ د یادو مشرانو ستونزې پر ځای وبللې زیاته یې کړه: د ستونزو هوارول د وزارت لومړیتوب دی موږ به ستاسې ستونزې له اړوندو ادارو سره د حل په موخه شریکې کړو.
